Чествување 1100 години од упокојувањето на Св. Климент Охридски
Македонската академија на науките и уметностите вечер во Центарот за култура „Григор Прличев“ во Охрид организира свечена академија со која ќе одбележи 1100 години од упокојувањето на Св. Климент Охридски.
Свечената академија, насловена „Корените на словенската цивилизација“, требаше да се одржи вчеравечер но беше одложена за денеска поради трагичниот настан предизвикан од невремето во главниот град.
На свеченоста вечер ќе настапи Камерниот хор „Херувими“ од Скопје, кој ќе исполни црковни дела од словенско-византиската традиција.
Во големата сала на Центарот за култура од 13 часот концерт ќе одржи Македонската филхармонија, насловен „Песни од срцата“, кој исто така беше презакажан. Концертот ќе го води диригентот Борјан Цанев, а ќе настапат оперските уметници Ана и Игор Дурловски. „Песни од срцата“ содржи обработки на македонски духовни и народни песни од композиторот Сони Петровски.
Во црквата „Света Софија“ во Охрид, пак, во рамки на чествувањето денеска напладне ќе биде отворена изложба на копии на фрески насловена „Портретите на Свети Климент Охридски во ликовната уметност на Македонија и на соседните земји“.
Во одбележувањето 1100 години од упокојувањето на светителот и еден од петтемина најпознати ученици на сесловенските просветители Кирил и Методиј, се придружува и Факултетот за туризам и угостителство-Охрид кој ќе организира работилница за изработка на мозаици.
Работилницата на која ќе учествуваат студенти од Универзитетот „Св. Климент Охридски“-Битола, ќе ја раководи стручен тим од Институтот за старословенска култура од Прилеп, под менторство на академик Газанфер Бајрам.
Мозаикот посветен на големиот јубилеј ќе биде поставен пред споменикот на патронот, во Ректоратот на Битолскиот универзитет.
Ново на Сител
-
ДИК: Црната листа на САД не може да влијае врз претседателската кандидатура на Стевчо Јакимовски
-
Бебе загина во сообраќајка на патот Струмица-Ново Село
-
Приведен дебранец поради агресивно однесување кон полициски службеници
-
Разбиена криминална мрежа во Атина која регрутирала малолетни девојчиња и ги принудувала на проституција
-
Претрес во Скопје, пронајдена дрога и украдени часовници - Приведени три лица
-
Стојковски: Се руши дивоградба во Ѓорче Петров, завршија деновите на провлекување
-
Велигденов: Со години обезбедуваме плата преку позајмици, веќе нема од каде да земеме
-
Тошковски: Дали намерно шест години не ни работат термалните камери на граница?