Честитка од Заев по повод еврејската Нова година - Рош Хашана

Лидерот на СДСМ Зоран Заев упати честитка до припадниците од еврејската заедница по повод еврејската Нова година Рош-Хашана.

- Големиот празник Рош-Хашана нека биде нова надеж за почеток на добар живот и стабилна иднина на сите граѓани. Нашите заеднички заложби втемелени на толеранцијата, меѓусебното разбирање и заедништвото не прават поодлучни, силни и мотивирани зедно да изградиме праведно и заедничко општество каде што сите посветено ќе работиме за квалитетен животен стандард. Различностите се голема придобивка за Македонија, во тоа веруваме, а граѓаните од Еврејската заедница се значаен дел од нашето општество, се вели во честитката.