Честитка од претседателот на СПМ Љупчо Димовски по повод Велигден
Со особена радост и задоволство со празнувањето на најголемиот христијански празник Христовото Воскресение – Велигден, темелот на христијанството во светот повеќе од две илјади години, дозволете ми Вам лично, на членовите на Светиот Синод, на верниците на нашата древна Македонска православна црква и на нашиот македонски народ, од името на членовите на Социјалистичкта партија на Македонија и од мое лично име да Ви го честитам Велигден и да Ви посакам здравје, благодет, Христова љубов, а на сите граѓани спокој во секој дом и во сечие срце.
Овој велик ден е возвишен зошто е празник во кој торжествува животната радост и од кој што извираат љубовта и надежта. Ден кој ја роди и ја раѓа богоугодната радост.
За да го доживееме и ние воскресението Христово, потребно ни е да се утврдуваме во вистината и правдата, да растеме во љубовта и благочестието, во трпението и милосрдието - да живееме во верата со добри дела. Само доколку нашиот живот го красат такви добродетели тогаш сме ја разбрале смислата на нашето постоење.
Овој голем христијански празник е можност да ја истакнам длабоката увереност дека нашата Македонска православна црква и понатаму ќе продолжи со ширењето и јакнењето на верата, душата на нашиот богоугоден македонски народ, во јакнењето на националното, меѓунационалното и мулти-конфесионално разбирање, како и во зачувувањето и развивањето на нашиот културен и национален идентитет, зошто само така обединети и сплотени можеме заедно нашата Татковина да ја направиме поубава за сегашните и идни генерации.
Прославувајќи го Христовото воскресение ја славиме безусловната љубов и мирот меѓу сите луѓе насекаде низ светот, толку потребни во денешниве времиња. Затоа да бидеме благодарни на Неговата милосрдност и бескрајна љубов.
Честит да ни е Великиот ден - Воскресение Христово, Господ ни дари сила, верба и благослов, за да го сочуваме, негуваме она што ни го дал како наследство, чувајќи го грижливо, одговорно, праведно и чесно.
Нека е за многу години големиот празник Велигден!
Христос Воскресна!
СПМ
Ново на Сител
-
Без вода дел од стар Аеродром
-
МВР: Нормализиран протокот на граничните премини, не е точно дека е вратен стариот систем на контрола на ГП Блаце
-
Трамп објави царини од 30 отсто за Мексико и Европската Унија
-
Мицкоски за можна вмешаност на функционер од ДУИ во пожарите: Aко се потврди вина, ќе биде проблем за некои!
-
Битолчанец фрлил експлозивна направа на улица, оштетил седум автомобили
-
Автомобил без контрола се движел кон полицајци, дрвокрадци рипнале од него во движење
-
Припадникот на АРМ бил убиен бидејќи неговата ќерка одбила да се мажи со лицето кое пукало
-
OJO бара притвор за напаѓачот на Арсовска