Челик: Турција бара полноправно членство во ЕУ
Турскиот министер за ЕУ, Јомер Челик, во Брисел повтори дека Турција сака полноправно членство во ЕУ и нема да прифати никаков друг предлог, соопшти денеска весникот „Хуриет дејли њуз“.
Челик ова го кажа вчера, на седница на Заедничкиот консултативен комитет ЕУ-Турција, во Брисел.
- ЕУ треба да ја поддржи Турција за време на овој тежок период во регионот, покажувајќи разбирање за причините за борбата против тероризмот, давајќи и визна либерализација и најмногу со забрзување на процесот на приклучување, посочи Челик.
Тој кажа дека Турција е подготвена да ги отвори поглавјата 23 и 24 во преговорите за приклучување кон ЕУ, што се однесуваат на судскиот систем и основните човекови права, правосудство, слобода и безбедност.
Челик истакна дека се покажуваат „двојни стандарди“ со критиката на Турција без да се отворат овие поглавја.
Преетходно овој месец Европскиот Парламент усвои резолуција,со која земјите членки се повикаа да ги прекинат преговорите за приклучување на Турција кон ЕУ, доколку уставните промени, донесени на референдумот на 16 април, бидат спроведени без измани.
Турските лидери изјавија дека резолуцијата „нема никаква вредност“ и нема обврзувачки карактер.
Челик посочи дека очекува во претстојниот период да дојде до интензивирање на односите Турција-ЕУ.
-Следната недела тука ќе имаме дијалог на високо ниво. Ќе дојдеме со нашиот министер за надворешни работи, рече Челик и додаде дека тие ќе се сретнат со високиот претставник на ЕУ за надворешна политика и безбедност, Федерика Могерини, и со еврокомесарот за проширување, Јоханес Хан.
Ново на Сител
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари