Чавушоглу најави учество на митинг во Ротердам и покрај забраната од локалните власти
Турскиот министер за надворешни работи Мевљут Чавушоглу денеска најави дека ќе отпатува во холандскиот град Ротердам за да учествува на митинг на припадниците на тамошната турска заедница во пресрет на уставниот референдум во Турција, иако ротердамскиот градоначалник Ахмед Абуталеб ја забрани неговата посета.
Чавушоглу при тоа се закани дека холандските власти ќе се соочат со „строги санкции“, доколку се обидат да ја спречат неговата посета.
- Денеска одам за Ротердам. Ќе и воведеме строги санкции на Холандија, ако ја спречи посетата, изјави Чавушоглу за телевизијата Си-Ен-Ен.
Тој нагласи дека планира да се обрати на митингот на припадниците на турската заедница во Ротердам, кој го организраат властите во Анкара за да ги поттикнат Турците во Холандија да гласаат на референдумот за промена на Уставот на Турција, со кои се зголемуваат надлежностите на шефот на државата.
Чавушоглу се закани и дека Турција ќе се повлече од договорот со ЕУ со кој беше запрен мигратскиот прилив кон Европа, доколку Унијата не го укине визниот режим за турските државјани.
Забраната на Берлин за учество на двајца турски министри на минитинзи за поддршка на уставните измени во Германија, доведе до сериозно влошување германско-турските односи.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски