Цените на нафтата забележаа најголем неделен пад во последните две години

Цените на нафтата денеска осцилираат меѓу загуби и добивки, еден ден по вчерашниот остар пад по веста дека САД од мај ќе лансираат најголема количина досега од стратешките резерви од 180 милиони барели – еден милион барели дневно за следните шест месеци.

 

Цените на „црното злато“ се на пат да ја завршат оваа трговска недела со најголем неделен минус во интервал од 13 до 14 отсто.

 

Меѓународната референтна нафта Брент за испорака во јуни (фјучерс договори), според најновите достапни податоци на порталот oilprice.com, забележа благ пораст од 0,32 отсто на 105 долари за барел, додека американската нафта WTI се тргуваше со пад од 0,28 отсто на ниво од 100 долари за барел.