Цените на нафтата за половина година скокнаа за повеќе од 20 отсто

На светските берзи, цените на нафтата се зголемија минатата недела, вторпат за две недели за првите шест месеци од оваа година се зголемени за повеќе од 20 %.

Цената по барел нафта во Лондон порасна за 2,1 процент на 66,55 долари минатата недела, додека на американскиот пазар барелот поскапе за 1,7 проценти на 58,50 американски долари.

Во текот на првата половина од годината цената по барел нафта на пазарот во Лондон порасна повеќе од 20, а во САД повеќе од 25 проценти.

Членовите на Организацијата на земји извознички на нафта (ОПЕК) и група независни производители, вклучувајќи ја и Русија, ќе се состанат на 1 и 2 јули во Виена за да одлучат дали ќе продолжат да го ограничуваат производството во втората половина од годината.

Од почетокот на годината, „ОПЕК плус“ го ограничи производството на 1,2 милиони барели дневно, а договорот истече последниот ден од јуни.

Од друга страна, производството во САД продолжува да се движи околу највисоките нивоа во историјата, околу 12,3 милиони барели дневно. Се проценува дека во четвртиот квартал би можело да достигне 13 милиони барели дневно, со што САД уште повеќе ја зацврстуваат позицијата на водечкиот светски производител на нафта, пред Саудиска Арабија и Русија.

На овој начин, САД ги поткопуваат напорите на ОПЕК за намалување на производството на нафта преку намалување на производството.