Цените на нафтата на светските берзи паѓаат
Цените на нафтата на меѓународните пазари паднаа поради најновите податоци кои укажуваат на забавување на активноста во кинескиот и јапонскиот индустриски сектор, а со тоа и на изгледите за глобалната побарувачка на нафта.
Цената на барел нафта на лондонскиот пазар падна за 1,42 долари во однос на петокот, на 102,55 долари. На американскиот пазар барелот се тргуваше по пониска цена од 1,85 долари, од 96,77 долари.
Мерките за ограничување на движењето поради ширењето на заразата со коронавирус го запреа краткото закрепнување на фабричките активности во Кина, најголемиот увозник на сурова нафта во светот.
Јапонската производна активност, пак, во јули порасна со најниска стапка во последните десет месеци.
Цените на нафтата во Лондон и на американскиот пазар го завршија јули со втора последователна месечна загуба за прв пат од 2020 година, бидејќи зголемената инфлација и повисоките каматни стапки ги зголемуваат стравувањата од глобална рецесија, која ја намалува побарувачката за гориво.
Организацијата на земјите извознички на нафта (ОПЕК) и сојузниците, вклучително и Русија, заедно познати како ОПЕК+, ќе се состанат в среда за да одлучат за производството на групата во септември.
Ново на Сител
-
СПМ: Кој е тој Османи, ситен и недораснат да носи судбоносни одлуки за еден цел народ
-
Тешко повредени четворица малолетници, се забиле во канделабра, па во бетонска жардињера на „Водњанскa“
-
Србија: Загина млад полицаец при потера по пијан возач
-
СДСМ: Од септември покачување на платите во одбраната, полицијата, образованието и детската заштита
-
Парламентот на Црна Гора ќе расправа за разрешување на владата на Дритан Абазовиќ
-
ВМРО-ДПМНЕ: Се што фатија СДСМ уништија, ВМРО-ДПМНЕ и Пецаков ќе го организираат Охридскиот маратон
-
Санкционирани 204 возачи во Скопје, 53 возачи на мотоцикл
-
Тим на македонската историската комисија: Бугарски историчари шират лажен триумфализам