Цените на горивата остануваат исти, поскапува мазутот
Цените на бензините и дизел горивата остануваат исти, а од ноќеска на полноќ се зголемува цената на мазутот, одлучи денеска Регулаторната комисија за енергетика (РКЕ).
Со одлуката се врши зголемување на малопродажните цени на нафтените деривати во просек за 0,54 отсто.
Малопродажната цена на ЕУРОСУПЕР БС-95 останува 67 денари за литар, ЕУРОСУПЕР БС-98 и понатаму ќе се продава за 69, ЕУРОДИЗЕЛ (Д-Е V) за 61,5, а Екстра лесното масло за домаќинство
(ЕЛ-1) за 50,50 денари за литар.
Со одлуката на РКЕ за 0,929 денари за килограма се зголемува малопродажната цена на мазутот М-1 НС и ќе изнесува 35,407 денари за килограм.
Како причина за промена на цените на нафтените деривати од РКЕ ги посочуваат зголемувањето на цената на светскиот пазар во изминатата недела кај бензинот за 0,85, а кај дизелот за 1,21 отсто, како и за 0,43 отсто повисокиот курс на денарот во однос на доларот.
Ново на Сител
-
Два случаи на мајмунски сипаници потврдени во Македонија
-
Високата претставничка на ЕУ за надворешни работи и безбедносна политика Каја Калас во официјална посета во Скопје
-
УКИМ одбележува 76 години од основањето и патрониот празник Денот на светите Кирил и Методиј - 24 Мај
-
Г7 се обединуваат за да ги стабилизираат пазарите
-
Нуклеарните преговори меѓу САД и Иран влегуваат во критична фаза
-
Сончево и топло до 31 степен
-
Состојба на патишта
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат