Целосно изгаснат пожарот во објектот во Мислешево
Еден час по полноќ целосно е изгаснат пожарот што вчера околу 18 часот избувна во деловен објект во струшкото село Мислешево.
Началникот на Територијалната противпожарна единица во Струга Минир Мамуди во изјава за МИА информира дека на терен интервенирале девет возила.
Тој појасни дека струшката пожарна испратила четири противпожарни возила, но поради интензитетот на пожарот, побарале помош од охридските колеги од каде дошле уште четири возила и една екипа од Охридскиот аеродром. Во гаснењето на пожарот учествувале 18 пожарникари од Струшката пожарна, осум од Охридската и екипа со тројца аеродромски пожарникари.
- Со заеднички напори на струшките пожарникари, нашите колеги од Охрид и од Аеродромот успеавме во 22 часот да го локализираме пожарот, изјави Мамуди.
За среќа, нагласи тој, нема човечки жртви, а брзата интервенција на пожарникарите не дозволила огнот да се прошири на околните објекти.
- По целосното гаснење во 1 часот по полноќ, влеговме во објектот со стручна опрема го исчистивме од жаришта и на секој час наши екипи правеа контрола, рече Мамуди.
Опожарен бил салон за мебел полн со синтетичка стока, дрвен и друг запаллив материјал. Висината на штетата допрва ќе се проценува.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили