Цел гарнизон војници заразени од коронавирус во Србија

Шеесетина војници, припадници на Првата бригада на Војската на Србија, се заразени од коронавирус. Сите тие биле ангажирани на прием на повратниците во Србија во периодот од 13 до 16 март, изјави денеска српскиот претседател, Александар Вучиќ.

Како што пишува Танјуг, станува збор за еден цел гарнизон кој бил ангажиран на прием на повратниците од странство во Србија и нивно сместување во државен карантин на Палиќ и во Моравиќ.