Царовска: Никаде не пишува дека македонската историја нема да се изучува
Министерката за образование и наука, Мила Царовска во гостувањето во Тема на денот во Дневникот на Сител за нацрт-концептот за основно образование рече дека со наставниците дошле до заклучок дека стравот од реформи мора да се надмине.
-Најлесно е како министер да седите и ништо да не поместите. И сите ќе дојдат и ќе ви речат „Браво“. Зошто? Зашто никого не сте извадиле од комфорната зона. Оваа реформа значи поместување на целиот образовен систем во една сосема поинаква, современа димензија зошто интеграцијата не е непозната за нашиот систем. Околу тоа, можеме сите да се согласиме. Од прво до четврто одделение имаме интеграција на овие предмети, рече Царовска.
Појаснува дека првачињата уште од следната година ќе учат според новата концепција. Во однос на предметот „Историја“ уверува дека тој ќе се изучува, но интегрирано со други предмети.
-Никаде не пишува дека македонската историја нема да се изучува. Никаде тоа не стои во концепцијата. Вели – да се изучуваат предмети. Македонскот јазик секако е предмет. И „Историја“ останува како модул. Интеграција не значи инфузирање, интеграцијата значи модуларно поставување на секоја научна дисциплина и интеграција врз основа на теми што укажува програмско пристапување кон секое делче кое што го учиме за одредена тема, рече Царовска, додавајќи дека притоа секој ученик ќе добие оценка и по „Географија“, и по „Историја“ и по „Граѓанско образование“.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени