Царовска: Ќе ги унапредиме социјалните права согласно Европската социјална повелба
Реформа на системот на социјална заштита, унапредување на социјалните услуги, интензивирање на борбата за справување со сиромаштијата и социјалната исклученост во државата, спречување на маргинализацијата од секој вид, значително унапредување на правата и заштитата на работниците и поголема инволвираност во сите овие прашања на социјалните партнери и граѓанското општество, е фокусот на новата Влада, рече денеска министерката за труд и социјална политика Мила Царовска.
Во обраќањето на семинарот за неприфатените одредби од Европската социјална повелба, Царовска истакна дека изминатите години Македонија помина низ период кога дел од овие социјални права, утврдени и во Повелбата, беа или запоставувани или недоволно унапредувани и развивани.
- Она што сега, од мое и од име на новата Влада, можам да го гарантирам е дека еден од клучните приоритети во наредниот период ќе биде токму унапредување на социјалните права и напорите тие да бидат рамноправно уживани од страна на сите граѓани, потенцира министерката.
Семинарот организиран од Советот на Европа и МТСП, во рамки на постапката предвидена со член 22 од Повелбата за „неприфатените одредби", е посветен на размена на мислења и информации за одредбите кои не се прифатени од страна на Република Македонија, како и на постапката за колективни жалби. Целта е низ дискусија се разгледаат состојбите во државата во однос на правата и стандардите кои ги утврдуваат и штитат споменатите одредби, како и за можностите од проширување на обемот на одредби кои ќе бидат прифатени.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ