Царинска управа: Соработката со деловната заедница подразбира континуитет и посветеност
Редовни консултации со бизнис заедницата се клучни за размена на меѓусебни мислења, а со цел успешност на активностите што ги спроведува Царинската управа, како и постигнување подобри резултати, истакна директорот на Управата Бобан Николовски на денешниот состанок со членовите на Советодавното тело.
Како што информираат од Царинската управа, по реактивирање на Советодавното тело, во кое покрај Царинската управа членуваат Стопанските комори, асоцијациите и здруженијата денеска се одржал вториот состанок на кој присутуните го усвоиле новиот Деловник за работа, кој е во насока на унапредување на меѓусебната координација и системски пристап кон прашањата од заеднички интерес поврзани со царинските процедури.
- На претставниците на деловната заедница им беа презентирани и клучните активности од донесената Стратегија за развој на Царинската управа и Акциониот план за 2025 - 2027 година преку бројните проекти во рамки на стратешките приоритети, со кои се поддржуваат реформските процеси во насока на олеснување на трговијата и управувањето со граничните премини, се вели во соопштението.
За време на состанокот од членките на Советодавното тело била поздравена успешната имплементација и ставање во функција на новиот транзитен систем НКТС фаза 5, кој е целосно усогласен со функционалностите според новите законски барања од Конвенцијата за заедничка транзитна постапка.
Директорот Николовски ја поздравил успешната и конструктивна дискусија, на која од сите членки на Советодавното тело беше заклучено дека продолжува соработката на оперативно ниво за сите отворени прашања од економските оператори поврзани со царинското работење.
Ново на Сител
-
Пронајден труп на местото каде се гради Мега паркот во Штип
-
При претрес во Тетово пронајдена дрога | ФОТО
-
Директорот на ФБИ нареди големо прераспоредување на персоналот
-
МЖСПП: Државниот инспекторат за животна средина се врати во матичното Министерство
-
Триесеттина патници дневно на повторно воспоставената железничка линија Скопје-Куманово-Скопје
-
УЈП: Крајниот рок за ДДВ-04 пријавите е 25 февруари, до вчера поднесени само 25 отсто од вкупниот број
-
Ватикан: Папата Франциск имаше мирна ноќ
-
САД, наспроти европската, ќе предложат резолуција на ОН за војната во Украина