Булеварот „Трета македонска бригада“ во завршна фаза
Градоначалниците на Град Скопје и на Општина Аеродром, Коце Трајановски и Ивица Коневски денеска извршија увид во завршната втора фаза од градежните работи за проширување и реконструкција на булеварот „Трета македонска бригада“, која почна во декември 2015 година.
Втората фаза е изведена на потегот од крстосницата со улицата „Васко Карангелевски“ до улицата „Никола Карев“, во должина од 1.400 метри.
Како што изјави скопскиот градоначалник Трајановски, останува уште отстранувањето на објектот, кој се наоѓа на трасата на овој булевар, за кој се води судска постапка и се чека одлука од судот, така што се очекува новиот булевар да биде пуштен во употреба до крајот на септември.
Улицата со овие градежни активности доби 4 сообраќајни ленти (по две ленти во секоја насока), велосипедска патека покриена со асфалт и широка 2 метра и тротоар покриен со бекатон-плочки со ширина од 3 метри. Изградена е и средишна разделна жардиниера со широчина од 5 метри, а е поставено и ново осветлување и нова атмосферска канализација. За овој проект Градот Скопје издвои околу 103 милиони денари.
Претходно, првиот дел од булеварот „Трета македонска бригада“, на потегот од булеварот „Србија“ до улицата „Фрањо Клуз“ беше проширен во 2014 година со должина од 1.243 метри, така што е проширен булеварот во вкупна должина од над 2.600 метри.
Проширувањето на оваа сообраќајница ќе овозможи побрза сообраќајна комуникација со другите делови од општината и со центарот на градот, а од друга страна ќе се зголеми и сообраќајната безбедност.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово