Бугарски туристи го преплавија Делчево
Гости од Бугарија и денеска го преплавија Делчево, а кафеаните и вечерва ќе бидат полни со припаднички на понежниот пол кои Меѓународниот ден на жената, наместо вчера денеска го одбележуваат во Делчево.
Како што истакна Красимира Волнева од Благоевград, денеска организирано во Делчево пристигнале два автобуси со организирани групи составени исклучиво од жени.
– Убав ви е градот затоа и решивме овде да се провеселиме, да прославиме. Не има од повеќе градови во Бугарија, Благоевград, Перник, Софија и околните места. Убаво е што денес е пазарен ден, па ќе можеме нешто да купиме од кај вас, вели Волнева.
Сопствениците на угостителски објекти дополнително потврдија дека овој викенд имало зголемени барања за резервации со преноќувања.
– Како објект кој нуди можност за преноќевање можеме да кажеме дека овој викенд бројот на гости од Бугарија е зголемен во однос на вообичаените викенди. Нашите капацитети овозможуваат прием на стотина гости и речиси 80 проценти од таа бројка е исполнета, истакнаа од делчевскиот ресторан и хотел „Трла“.
На граничниот премин како што информираат надлежните не се забележани поголеми задржувања, а вообичаената постапка при минување на границата како што дополнуваат не трае повеќе од пет минути.
Ново на Сител
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем
-
Приведена бегалка од затвор, вратена е во КПУ Идризово
-
МЗ: Комисијата не најде грешка во работењето на Болница во Кавадарци во врска со починатото дете
-
Кривична пријава против правно лице, во ceф соба биле пронајдени 382 кутии со марихуана
-
Баерн и Фламенго први осминафиналисти на Светското клупско првенство
