Бугарија создава координативен центар за санкции против Русија
Бугарија формира специјален координативен совет за санкции на предлог на вршителите на должност министри за надворешни работи Николај Милков и за правда Крум Зарков.
Како што јави дописникот на МИА од Софија, Советот ќе биде одговорен за спроведувањето од страна на Софија на сите рестриктивни мерки наметнати од ЕУ. Неговото создавање се должи на санкциите против Русија воведени по воената инвазија на Москва на Украина на 24 февруари оваа година.
Советот ќе треба да им помогне на бугарските компании и граѓани да дознаат дали можат да работат или да стапат во односи со компании од санкционирани земји. Новиот совет треба да ги решава проблемите кои произлегуваат од спроведувањето на санкциите против властите во Русија. Координативниот совет ќе ги подготви и одлуките за нивно покренување за конкретни случаи.
Друга цел ќе биде да се следат можните обиди за заобиколување на санкциите против Русија преку трети земји.
Советот ќе има претставници од министерствата за економија, енергетика, надворешни работи и правда, Бугарската народна банка, Комисијата за финансиска супервизија и Државната агенција за национална безбедност.
Координатор на новиот владин совет ќе биде министерот за надворешни работи на Бугарија Николај Милков. Тој ќе ја претставува Бугарија и во групата на ЕУ за прашањето за санкциите.
Ново на Сител
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
-

МВР: Приведени две лица во Струга, едниот управувал возило со претходно изречена забрана, додека кај сопатникот пронајдена е дрога
