Бугарија минимално во Скопје

Фудбалската репрезентација на Македонија загуби од Бугарија со 0:1 на арената „Тодор Проески“ во последниот меч од Лигата на нации и на крајот завршува на третото место во групата. Бугарија успеа да стигне до втората позиција, откако Кирил Десподов беше стрелец на победоносниот гол во 50.минута од натпреварот.

 

Добивај вести на вибер

Македонија играше со фудбалер помалку од 14. минута кога црвен картон заработи Тодор Тодороски. Тој грубо стартуваше над противнички фудбалер и беше исклучен.

 

Откако останавме со играч помалку, селекторот Благоја Милевски реагираше и го повлече од игра Александар Трајковски. Го внесе на теренот Стефан Ашковски, кој требаше да ја пополни празнината што се појави по исклучувањето на Тодороски.

 

Милан Ристовски во 25.минута го испрати единствениот сериозен удар од 20 метри, но бугарскиот голман Даниел Наумов успеа да одбрани.