Бугарија бара гаранции за нејзините услови во преговарачката рамка - сепак се остава можност за решение

 Бугарија ја извести Европската комисија дека не е во можност да ја прифати предложената преговарачка рамка за Република Македонија и нацрт-декларацијата, бидејќи не ги даваат потребните гаранции за исполнување на бугарските услови, соопшти Министерството за надворешни работи во Софија.

– За Бугарија е неприфатливо нејзините услови за Република Македонија да бидат поставени во декларацијата на Советот на ЕУ, што ја придружува рамката за преговори. Декларацијата на Советот не е правно обврзувачки инструмент и не ги дава правните гаранции што ги бара Бугарија. Ние би имале такви гаранции доколку нашите барања се рефлектираат во текстот на рамката за преговори, на што  инсистираме, велат од бугарското МНР.

Сепак, Софија смета дека и покрај кратките рокови решение може да се постигне.