Буџетот на Собранието догодина 575,8 милиони денари, помалку пари за патни трошоци
- Буџетскиот совет на Собранието на Република Македонија денеска на седница го разгледуваше предлог- буџетот за 2019 година. Вкупниот буџет е предвидено да биде 575 милиони 836 илјади денари.
За една третина се намалени средствата за патни трошоци, но предвидени се средства за 75 пратенички канцеларии со исто толку асистенти, како и за почнување на одредени реформски чекори за финансиско осамостојување на Собранието, за сопствено обезбедување и рефори во собранискиот канал. Ќе се зголемат и средствата за надзорни расправи.
- Денеска Буџетскиот совет го усвои Предлог-буџетското барање за Собранието за 2019 година. За истакнување е дека буџетското проектирање на потребите на Собранието се направени согласно Статешкиот план на Собранието. Направена е распределба на буџетските средства, намалени се многу од непродуктивните трошоци на Собранието. Во делот на патните трошоци направено е намалување за една третина од трошоците од минатата година односно стапката за патни трошоци е намалена за 19 милиони и 700 илјади денари. Во оваа ставка влегуваат целокупните средства за патни трошоци за Собранието што опфаќаат и меѓународна активност за пратениците, истакна претседателката на Буџетскиот совет и потпретседателка на Собранието Фросина Ташевска Ременски.
Пратениците на седницата побараа секој од нив да има своја пратеничка канцеларија во изборните единици од каде што доаѓаат, а во Собранието личен советник.
Генералниот секретар на Собранието Цветанка Иванов кажа дека доколку пратениците сакаат лични советници ќе треба да се менува Законот за Собрание.
Таа рече дека планот за 2019 година е многу амбициозен бидејќи Собранието почнува реформи.
- За нив не само што е потебна политичка волја туку потребни е и финаниски средства, рече Иванова, која кажа дека освен со Буџетот пари за рефомите ќе бидат обезбедени и со проекти преку донатори.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп