Бројот на жртвите од пожарот во ноќниот клуб во Букурешт нарасна на 43
Утринава починаа уште две од лицата кои минатата недела настрадаа во пожарот во ноќниот клуб во Романија, со што бројот на жртвите во трагедијата достигна 43 лица, пренесе ТАСС.
Министерството за здравство информира дека во моментов во различни болници се наоѓаат 103 настрадани во пожарот, а состојбата на 44 од нив е критична.
Романските медицински служби побараа помош од своите колеги во странство и неколкумина од настраданите веднаш беа испратени на лекување во Холандија и Австрија.
Пожарот избувна на 30 октомври во центарот на романската престолнина за време на пиротехничко шоу во ноќниот клуб „Колектив“. Првите елементи од истрагата покажаа мноштво пропусти во безбедносните правила.
Тројцата сопственици на дискотеката беа обвинети за убиство од небрежност и од вторникот се наоѓаат во притвор. Градоначалникот на реонот во кој се наоѓа клубот, исто така, вечера беше уапсен.
Трагедијата предизвика невидени протести во Романија против политичката елита, која се доживува како корумпирана и се смета за одговорна за пожарот. Под притисок на овие протести премиерот Виктор Понта во средата поднесе оставка.
Синоќа околу 3.000 Романци повторно излегоа на улиците на Букурешт до барањето за длабоки промени во романското општество.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово