Бројот на заразени со коронавирусот во Словенија се искачи на 273
Институтот за јавно здравје на Словенија објави дека до 14 часот во земјата се потврдени 273 случаеви на лица заразени со новиот коронавирус.
Како што јави дописникот на МИА од Љубљана, досега се направени вкупно 7.587 тестирања за вирусот.
Поради ширењето на Ковид-19 во Словенија се состана и Советот за национална безбедност во најширок состав во историјата на земјата. На прес конференцијата на присуствуваа претседателот на државата Борут Пахор, премиерот Јанез Јанша и претседателот на Собранието Игор Зочич, беше најавено дека во следните денови ќе се преземат уште радикални мерки со цел спречување на ширењето на коронавирусот.
Мерките се поделени во две категории и тоа една, во која ќе има брзи одлуки и друга што ќе значи носење закони со цел институционално да се олесни борбата со коронавирусот.
По состанокот беше објавено дека државата по итна постапка набавува заштитна опрема пред се за медицинскиот персонал и постарите лица и кога ќе стигне веднаш ќе биде распоредена таму каде што е најпотребна.
Веќе за утре е закажана првата вонредна собраниска седница на која ќе се гласаат закони кои се токму во насока за спречување на ширењето на заразата.
Од денеска Словенија го забрани и патничкиот авиосообраќај.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево