Бројот на загинати во земјотресот во Јапонија се искачи на 168
Бројот на загинати по силниот земјотрес на западниот брег на Јапонија на Нова година се искачи на 168.
Според префектурата Ишикава, сè уште се водат за исчезнати 323 лица, а двете бројки драстично се зголемија во последните два дена.
Во градот Ваџима исчезнаа 281 лице.
Големиот земјотрес, кој ја погоди префектурата и соседните области во понеделникот минатата недела, достигна магнитуда од 7,6 степени.
Во саботата, спасувачките екипи извлекоа жива 90-годишна жена од урнатините на уништената куќа во крајбрежниот град Сузу. Лекарите го опишаа спасувањето како редок настан.
Првите 72 часа по ваквата катастрофа се сметаат за клучни. После тоа, шансите за преживување на заробените луѓе значително се намалуваат, соопшти Канцеларијата на Обединетите нации за координација на хуманитарни прашања (OCHA).
Планини од урнатините, оштетените патишта, лизгање на земјиштето го отежнуваа пребарувањето на тимовите за спасување. Според извештаите во јапонските медиуми, нивната работа исто така била попречена од снежните врнежи.
Владата испрати дополнителни војници во областа на катастрофи за поддршка во пребарувањето.
Ново на Сител
-
Американската компанија „Вабтек“ нова странска инвестиција во земјава
-
Кривични пријави за пет лица за „злоупотреба на службената положба“ и две лица за „несовесно работење во службата“
-
Кога бев најпопуларна бев најтажна | Сузана Гавазова | Sitel Podcast 051
-
Локализиран голем пожар на територија на општина Прилеп
-
Прекин на сообраќајот на автопатот Прилеп – Битола порди сообраќајка
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа