Бројот на мигранти на грчките острови првпат надмина 12.000 лица

На островите во северниот дел на Егејското Море денеска има вкупно 12.025 мигранти и бегалци.

Како што јави дописникот на МИА од Атина, на Лезбос се регистрирани 5.499 лица, на Хиос 4.210 и на Самос има 2.316 бегалци и мигранти.

Во последните 48 часа на Лезбос пристигнале 45 бегалци и мигранти, на Хиос 56, додека на Самос не се регистрирани нови пристигнувања.