Бродот „Мис Стон“ ќе биде изваден од Студенчишкиот канал
Бродот „Мис Стон“ од кој се излеа одредено количество нафта во Студенчишкиот канал на Охридското Езеро утре ќе биде изваден од вода. Тоа е одлуката на надлежните власти од Локалната самоуправа кои веднаш по информацијата за излевањето на нафта во водата на каналот излегоа на лице место, заедно со претставници на Државниот инспекторат за животна средина и Капетанијата на пристаништа за цивилна пловидба.
Истовремено од Општина Охрид соопштија дека согласно законската регулатива инспекторатот ќе ги превземе сите законски мерки, како и оти веќе е отворен предмет во инспекциска постапка.
Бродот „Мис Стон“ кој децении наназад е закотвен во каналот кај Студенчишта, делумно е под вода така што дел од нафтата од резервоарот на пловилото се излеа во водата, предизвикувајќи загадување на тој исклучително важен, од биолошки аспект, дел на еко-системот на Охридското Езеро.
Најавено е дека наделжните институции ќе утврдуваат мерки за заштита на каналот, меѓу кои и дислоцирање на старите и дотраени пловни објекти што, како во овој случај, претставуваат закана по еко-системот на Охридското Езеро.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година