Свет
21. October 2019 - 11:44

Британски тинејџери избодени до смрт на журка во куќа: Среде приватната забава во луксузна вила, се слушнале ужасни вресоци

Двајца тинејџери (17) се убиени во саботата вечер околу полноќ во британскиот град Милтон Кејнс. Тие се избодени до смрт во една вила, каде присуствувале на домашна журка. Се сомнева дека нивната смрт има врска со локални криминалци.

Една од жртвите, 17-годишно момче починало на самото место, а другото исто така на возраст од 17 години, од тежината на повредите починал во болница.

Денеска се објавени и нивните имиња - Бен Гилхам - Рајс и Доминик Анса.

Двајцата живееле во овој град, а соседите тврдат дека нивната смрт е поврзана со пресметка на банди.

Иан Хантер, детектив кој работи на случајот, изјави во медиумите дека околу 15-20 лица присуствувале на забавата и дека „луѓето кои се директно вмешани во ова злосторство најверојатно ги познавале жртвите“.

Тој исто така откри дека сите присутни на забавата биле повикани, односно дека немало дојдени без покана.

Според истрагата, среде журката дошло до тепачка и Бен и Доминик до смрт се избодени.

„Ја разбирам загриженоста која се јави во заедницата, но иако истрагата е на почеток, верувам дека луѓето кои учествувале во злосторството се познавале едни со други“, рече тој.

Една од сосетките рече дека слушнала вресоци малку пред полноќ, но не знаела што се случило. Инаку куќата во која се случило злосторството чини 600.000 фунти односно околу 700.000 евра.

Популарно од Свет

Ново на Сител

© 2026 Сител Телевизија