Британски компании побараа од Владата да му помогне на Евростар
Британските бизнисмени ја повикаа Владата да го спаси Евростар, јавија лондонски медиуми, откако фирмата соопшти дека е близу до колапс по затворањето на границите поради Ковид-19. До неодамна симбол на лесно патување со голема брзина во Европа, Евростар беше погодена од кризата со коронавирусот, во своите специјални платформи и капацитети во Париз, Лондон и Брисел.
Групата моментално работи само со една услуга дневно помеѓу Париз и Лондон, што е далеку од порано кога управуваше со два воза во час за време на пиковите. Лоби групата London First Lobby соопшти дека на Евростар му треба „брза акција за да ја заштити својата иднина“, во писмото испратено до министерот Риши Сунак во кое медиумите имале увид.
Писмото, потпишано од 25 извршни директори и академици, ги предупредува Министерството за финансии и Одделот за транспорт да не дозволуваат фирмата „да падне меѓу пукнатините на поддршката“. Минатата недела Евростар – чиј мнозински сопственик е француската фирма СНЦФ – објави дека услугите се намалени за 85 проценти во однос на претходната година.
– Компанијата е во критична состојба, дури би рекол и многу критична, рече Кристоф Фаничет кој е на чело на SNCF Voyageurs, одделот за патници во мрежата.
Ново на Сител
-
Сиљановска Давкова на литургија по повод Мала Богородица во црквата Свети Никола во Њу Џерси
-
Нови детали од тешката сообраќајна несреќа во Србија - Загина петчленото семејство
-
Тежок судир воено и цивилно возило во Србија, две лица загинати
-
Со автомобил тешко повредил жена во Прилеп и побегнал
-
Возач со џип удри во дете на велосипед и тешко го повреди
-
Маж пронајден со повреди во подземна гаража во Скопје, пренесен на лекување на Клиничкиот центар
-
Поплави во Унгарија, Будимпешта под вода
-
Најмалку 13 цивили загинаа во израелски воздушен напад врз училиште во Газа