Бразил се прости од Пеле

Повеќе од 250 илјади луѓе му оддадоа почит на легендарниот Пеле испраќајќи го низ улиците на Сантос до неговото вечно почивалиште. 

Поворката тргна од стадионот на Сантос, домот на поранешниот клуб на Пеле, а неговиот ковчег потоа мина крај домот на неговата стогодишна мајка Селесте Арантес и заврши кај неговото вечно почивалиште. 

Кралот на фудбалот“, Пеле играше за Сантос од 1956 до 1974 година, постигнувајќи повеќе од 1.000 голови.

Во поворката долга седум километри се собраа илјадници луѓе кои сакаа за последен пат да се простат од најдобриот фудбалер на сите времиња.