Браќа од Богданци биле главни за криумчарење мигранти

МВР ги фати браќата организатори на 6 члената криминална група за криумцарење мигранти. Десет месеци биле следени од полицијата како ја организираат групата. Мигрантите ги преземале од Грција каде соработувале со криминална група која ги носела до јужната граница. Оттаму преку диви премини кај Дојран, Гевгелија и Струмица во моторни возила ги прифаќале мигрантите и ги носеле до договорени локации во Кумановско-Липковскиот регион. Таму ги сместувале кај лице кое нелегално престојувало и ги засолнувале кај него додека да ги пренесат на територија на Р.Србија. Мигрантите за ова плаќале од 500 до 700 евра по лице. Уапсени се 4 лица а еден е на издржување мерка притвор. При претреси во вкупно 6 објекти на подрачје на Гевгелија, Струмица и Неготино пронајдени се патничко возило, мобилни телефони, сим картици, пиштол и муниција.

Мирјана Давидовска