Боздаг: Односите меѓу САД и Турција може да се влошат, доколку Вашингтон не го предаде Ѓулен
Министерот за правда на Турција Бекир Боздаг инсистира САД да го предадат исламскиот проповедник Фетулах Ѓулен, за кого Анкара смета дека стои зад обидите за организирање воен удар во јули или во спротивно ризикуваат да дојде до сериозно влошување на односите меѓу двете држави.
Боздаг говореше пред новинарите еден ден откако се сретна со американскиот министер за правда Лорета Линч.
Тој изјави дека Ѓулен, кој живее во Пенсилванија е терорист.
- Она што претставува Осама бин Ладен за САД и за американскиот народ е истото што претставува Фетулах Ѓулен за Турција и за турскиот народ, рече Боздаг.
САД не брзаат со екстрадицијата на Ѓулен и потенцираат дека Турција прво треба да претстави доволно докази за неговото учество во обидот за преврат, во кој загинаа над 270 лица. Ѓулен демантира дека е поврзан со пучот.
Боздаг нагласи дека новите докази кои Турција ги претставила за Ѓулен вклучуваат признанија на обвинети заговорници во Турција, кои велат дека дејствувале на негова наредба.
Турскиот министер додаде дека Ѓулен добивал тајни записи на разговори на висок турски претставник, кои му биле доставени од еден од неговите следбеници.
Ново на Сител
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса