Босанка подарува куќа на семејство погодено од поплавите
Босанка направи хуман и достоен гест за почит во овие тешки времиња за Босна и Херцеговина. Имено, таа на својот Фејсбук-профил објави дека ќе му подари куќа и земјиште на семејство погодено од поплавите, т.е. сака да им помогне на оние кои останаа без дом.
Во својата објава, Дамира Табаковиќ од Велика Кладуша пишува: „Подарувам куќа и околу 7 дулуми земја (7.000 квадратни метри, з.п.) за семејство загрозено од поплавата. Ако некој сака да се пресели во Велика Кладуша, сакаме да помогнеме и прописно ќе препишеме сѐ 1/1. Нека се јави оној кому тоа му е потребно“.
Овој потег на солидарност покажува колку е важно луѓето да си помагаат во тежок миг, пишува порталот „Бука“.
Со оглед на неодамнешните поплави што ја зафатија БиХ, многу граѓани останаа без својот дом и основните средства за живот. Оваа приказна за Дамира Табаковиќ ја илустрира моќта на заедницата и хуманоста во време на криза. Пофалби за нејзиниот благотворен чин доаѓаат од сите страни, а нејзиниот пример може да послужи и за другите граѓани да се вклучат и да им помогнат на оние на кои им е потребна помош, објави „Радио Сараево“.
Ново на Сител
-
Пилот на „Туркиш ерлајнс“ почина при лет над САД
-
„Опен-АИ“ се проширува на глобално ниво со четири нови канцеларии
-
Во последните 24 часа вкупно 1.712 повици на бројот за итни случаи 112
-
Делови од Скопје денеска без струја
-
Денеска продожува судењето за убиството на Вања и Панче
-
Најмалку 20 загинати, меѓу кои и деца, во израелски воздушен напад врз училиште во Газа
-
Американец е уапсен со огнено оружје во близина на митинг на Трамп во Калифорнија
-
Кинеската војска започна нови вежби во близина на Тајван