Борел ги повика членките на ЕУ на поголемо единство

Шефот на дипломатијата на Европската унија Жозеп Борел ги повика земјите-членки на ЕУ да го зајакнат меѓусебното единство и да развиваат партнерства.

Борел, доаѓајќи на состанокот на Советот на министерот за надворешни работи, прва средба на Советот на ЕУ со кое претседава, изјави дека тој напишал писмо наместо да дава долги говори до шефовите на дипломати и министри за одбрана на земјите членки на ЕУ.

„Ги објаснив главните цели и методологија на работа за подобрување на единството и развој на партнерства, затоа што ние самите не можеме да решиме многу од проблемите, од климатските промени до миграцијата“, вели Борел.

Тој ја презеде функцијата шеф на дишчпматијата на ЕУ на 1 декември, кога го презеде претседавањето со Советот на ЕУ од Федерика Могерини.

На нивната прва средба со која претседава Борел, министрите за надворешни работи на ЕУ разговараат за ситуацијата во Либија и Боливија, нуклеарниот договор со Иран, односите ЕУ-Африка и човековите права.