Бомбашки напад во северна Сирија од каде се повлекуваат силите на САД

Едно лице загина денеска во бомбашки напад во северна Сирија, во градот Азаз, кој е под контрола на борците поддржани од Турција, пренесоа турските медиуми.

Според турски Си-Ен-Ен, две лица се повредени кога експлодирал мотоцикл со експлозив.

Нападот се случи откако американските сили започнаа да се повлекуваат од позициите долж границата со Турција, отворајќи пат за турската офанзива.

Азаз некогаш беше под контрола на сириските Курди, противници на Турција.