Бочварски очекува монтажата на новиот мост на реката Брегалница да почне за десет дена
Штипската фирма „Актива“ се очекува за десет дена да почне со поставувањето на новиот мост на реката Брегалница долг 60 метри, а е дел од обиколницата, што ги спојува најголемите штипски населби со индустриските зони, најави денеска градоначалникот на Општина Штип, Благој Бочварски.
Тој истакна дека секојдневно е во комуникација со фирмата и оттаму го уверуваат дека на железната конструкција се работи, а исто така проектот ја има поминато ревизијата и има одобрение и од Градежниот факултет во Скопје.
– Се работи за голема мостовска конструкција за која мора да бидат запазени сите стандарди и да биде со целосна ревизија. При поставувањето на мостот ќе бидат поставени и два крана, вели Бочварски.
Тој забележува дека овој проект не трпи импровизации и мора да биде согласно сите стандарди, кои се налагаат согласно законските прописи за безбедност на сите учесници во сообраќајот, бидејќи низ него ќе поминуваат и автобуси и камиони.
– Актуелната локална власт ја заврши втората фаза од обиколницата, но се чека на поставувањето на мостот, со што ќе заврши и првата фаза. Целата обиколница чини од 50 до 55 милиони денари, а само за првата фаза се издвоени повеќе од 40 милиони денари во која спаѓа и мостот, забележа Бочварски.
Реализацијата на обиколницата ќе значи и решавање на сообраќајниот хаос по булеварот „Гоце Делчев“, што е влез и излез на градот, но и кој води до индустриските зони.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово