Блинкен: САД подготвуваат алтернативи во случај да не успеат преговорите со Иран

САД со сојузниците активно подготвуваат алтернативи на иранскиот нуклеарен договор доколку не успеат преговорите за нивно обновување, изјави денеска американскиот државен секретар Ентони Блинкен во Џакарта.

– Наскоро ќе биде доцна бидејќи Иран се уште не е вклучен во прави преговори, истакна Блинкен, додавајќи дека без брз напредок Меѓународниот договор за иранската нуклеарна програма ќе биде „празна школка“.

Според Блинкен Иран губи време бранејќи ставови кои се „неспоиви“ со обнова на Договорот од 2015 година.

Индиректните преговори меѓу Иран и САД, со посредство на Европска Унија продолжија на крајот на ноември во Виена.

Договорот за иранската нуклеарна програма, официјално наречен Заеднички сеопфатен план за акција (ЈЦПОА), беше потпишан во Виена во јули 2015 година од страна на Иран и „Групата 5 плус 1.

Поранешниот американски претседател Доналд Трамп ги повлече САД од Договорот, д додека актуелниот претседател Џо Бајден е подготвен да се врати на договорот доколку Техеран ги почитува своите обврски од документот.