Блан уште две сезони на клупата на ПСЖ

 Тренерот на францускиот фудбалски шампион Пари Сен Жермен, Лоран Блан потпиша нов двегодишен договор и се обврза да ги предводи „светците“ до 2018 година.

 

Блан во ПСЖ е од 2013 година, а претходно работеше како тренер во Бордо и селектор на француската репрезентација.

 

Парижаните оваа сезона во Лига 1 по 25 одиграни кола имаат 22 победи и три нерешени средби. Тие се со убедлива предност пред конкурентите на врвот на табелата и се единствениот тим без пораз.

 

Блан со ПСЖ има освоено две шампионски титули, еден куп, два Лига купа и три Супер купови во Франција.