Битиќи: Човечкиот капитал е клучен сегмент во Националната развојна стратегија
Триесетгодишното партнерство со Светска банка се одбележува во време кога Северна Македонија започнува нов процес, а тоа е Националната развојна стратегија за следните 20 години, која ќе ги адресира сите отворени прашања, кои три децении не сме ги адресирале, рече заменик претседателот на Владата, задолжен за економски прашања, координација на економските ресори и инвестиции, Фатмир Битиќи, на конференцијата посветена на 30-годишното партнерство меѓу Светска банка и Северна Македонија.
Вицепремиерот Битиќи беше говорник на панелот посветен на демографските предизвици и на човечкиот капитал, при што рече дека инвестирањето во човечки капитал е најважната инвестиција и овозможувачки фактор за сѐ друго што правиме, и без инвестирање во него, сите можни стратегии остануваат само идеи на хартија, соопштивладината прес-служба.
- Триесетгодишното партнерство меѓу Светска банка и Северна Македонија се одбележува и во момент кога отпочнуваме нов процес, а тоа Националната развојна стратегија за следните 20 години во кои ги адресираме сите отворени прашања, кои 30 години не сме ги адресирале. Во неа е опфатен и еден клучен сегмент, а тоа е човечкиот капитал. Знаењето и човечкиот капитал се дел од Националната развојна стратегија и се клучни во борбата со демографските предизвици, рече Битиќи.
Тој се осврна и на демографските трендови кои треба да ги согледаме, да ги препознаеме и да не бегаме од нив.
- Треба да ги прифатиме како основа за спроведување на политики. Миграциите ќе продолжат, нема да завршат, нашата држава ќе биде дел од тие процеси, ќе доаѓаат луѓе, но тие кога доаѓаат не секогаш со себе носат лоши навики, туку тие се носители и на капитал, на знаење, на вештини. Овој процес треба да го видиме како можност, а не како пречка за економскиот развој, рече Битиќи.
На панелот, вицепремиерот Битиќи рече дека има повеќе секторски стратегии кои се усогласени со Националната развојна стратегија, со која јасно дефинираме каде сакаме да се движиме во наредните две децении, да креираме можности за младите. Да се справуваме со диспаритетите во државата помеѓу регионите.
- Човечкиот капитал соодветно е адресиран и во Стратегијата за човечки капитал, која се темели на четири столбови, подобрување на квалитетот на услугите во образованието, здравството и социјалната заштита, ставање многу посилен акцент на потребите на ранливите категории граѓани, зголемени инвестициите во човечки капитал и истовремено зголемена ефикасност на трошењето и, зајакнување на управувачките капацитетите на секторите за човечки капитал, заклучи Битиќи.
На панелот, заедно со вицепремиерот Битиќи, учествуваа и министерот за образование и наука, Јетон Шаќири, Паоло Бели, менаџер на пракса, социјална заштита и работни места во Светска банка и Благица Петреска, извршен директор на Finance Think.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра