„Билд“: Евровизија 2017 наместо во Киев можно е да се одржи во Москва

Организаторите на Евровизија разгледуваат можност во Москва да биде домаќин на натпреварот во 2017 година бидејќи властите во Украина се соочуваат со финансиски проблеми во организацијата, објави Билд повикувајќи се на извори во организацискиот одбор.

Таквата одлука може да биде непријатна за Украина која стекна право да биде домаќин откако пејачката Џамала победи на Евровизија во мај оваа година во Стокхолм.

Во крајот на ноември директорот на украинската национална телевизиска компанија Алексадер Карабин рече дека ЕБУ му се заканила на Киев дека може да ги лиши од правата да бидат домаќини на Евровизија 2017.

Меѓу причините за таква одлука, тој ги навел бирократијата, неадекватните закони и незаинтересираноста на дел од официјалните лица на државата за тоа натпреварување.

Европската радиодифузна унија (ЕБУ) ќе донесе конечна одлука на 8 декември дали Украина ќе биде домаќин на Евровизија 2017.