Билансот на жртви на пожарот на пакистанскиот танкер достигна 17
Пакистанските пожарникари и денеска продолжуваат да се борат со пожарот, кој избувна вчера при експолозија на танкер за нафта во бродоградилиштето Гадани, на југозапад од Пакистан.
Бројот на загинати лица достигна до 17, а за над 20 работници состојбата е неизвесна.
- До експлозијата на танкерот дошло додека работниците расклопувале стар брод во бродоградилиштето Гадани, кое се наоѓа на 45 километри северозападно од пристанишниот град Карачи, изјави локалниот претставник на властите, Зулфакар Бохари.
- Пожарот се уште е активен, истакна тој и додаде дека протипожарните екипи се борат со огнот.
- Најмалку 58 лица се повредени при експлозијата, додека за околу 20 лица состојбата е неизвесна, посочи Бохари.
Вчера, веднаш по несреќата, пакистанскиот премиер Наваз Шариф во соопштение изрази жалење за „загубата на драгоцените животи“.
Гадани е едно од најголемите бродоградилишта во светот, основано во седумдесетите години од минатиот век.
Ново на Сител
-
Два пожара на отворено регистрирани изминатото деноноќие
-
Драма во Драч: Татко ги земал двете деца како заложници и почнал да пука со калашников
-
Њујорк и Денвер на чекор до полуфинале во НБА плејофот
-
Претрес во струмичко, пронајдена дрога, приведен дилер
-
Запален автомобилот на директорот на затворот ,,Идризово”
-
Халанд и Ортега го доближија Сити до шампионската титула
-
Најстудено на Попова Шапка, најмногу дожд во Крушево
-
Жалби до Управниот суд за изборните приговори, прва средба на работните групи на ВМРО-ДПМНЕ и Вреди