Безживотно тело на маж пронајдено покриено со земја и предмети во Кавадарци

Во куќа во Кавадарци пронајдено безживотно тело на 42-годишен маж.

Постои сомнеж дека смртта настанала како резултат на кривично дело, затоа што телото било пронајдено покриено со земја и предмети во помошни простории.

Семејството се обидувало неколку дена да го лоцира сега починатиот, кој живеел сам.

Дежурен јавен обвинител од Основното јавно обвинителство Кавадарци изврши увид на лице место.

Со цел расчистување на настанот, јавниот обвинител издаде наредба за обдукција на починатиот. Од лице место подигнати се траги и материјални докази кои ќе бидат предмет на вештачење.

Се издаваат наредби и насоки за откривање на сторител, информираат од Обвинителството.