Бездомник згрижен во Момин Поток

На иницијатива на министерот за внатрешни работи Агим Нухиу, денеска во соработка со градскиот центар за социјална работа, е згрижен бездомник којшто деновиве поради екстремно ниските температури бил засолнет во еден од влезовите на станбените објекти во близина на Полициската станица Центар, соопшти МВР.

Лицето од страна на полициски и социјални службеници, како што се наведува, е однесено во Центарот за згрижување на бездомни лица во Момин Поток.

Истовремено, министерот Нухиу иницираше и во наредниот период полициските службеници да посветат внимание на бездомни лица во насока на нивно згрижување, особено сега кога временските услови се директна закана по нивниот живот, стои во соопштението.