Без струја во понеделник дел од село Виниче, без вода повисоките катови од зградите во Ново Лисиче

Без струја во понеделник ќе останат корисниците од поголемиот дел од село Виниче во Општина Гази Баба, а без вода ќе бидат повисоките катови од зградите во населбата Ново Лисиче во Општина Аеродром.

Како што соопшти Центарот за управување со кризи, од 9 до 12 часот, корисниците од поголемиот дел од село Виниче ќе бидат без струја заради технички зафати во дистрибутивната електро мрежа.

– Поради менување на затворач од водоводна мрежа со пречник од ф-300мм и поради приклучување на водоводна мрежа со пречник од ф-200мм на булевар „АСНОМ“ раскрсница со булевар „Србија“, од 9 часот до завршување на интервенцијата, прекинато водоснабдување ќе имаат корисниците од високата зона, односно повисоките катови од зградите во населбата Ново Лисиче во Општина Аеродром, соопшти ЦУК.