Без струја утре делови од општините Карпош, Центар, Чаир и Бутел

Без електрична енергија утре неколку часа ќе останат корисниците во делови од општините Бутел, Центар, Чаир и Карпош.

Од РЦУК по известување од ЕВН информираат дека прекинот на снабдувањето со електрична енергија е поради технички зафати во дистрибутивната електро мрежа.

Од 08:15 до 12 часот без струја ќе бидат корисниците од дел од ул.„Натанаил Кучевишки“, дел од ул.„Хоши Мин“ и ул.„Краишка“ во општината Бутел, а од 08:30 до 12 часот, корисниците од СРЦ Кале и околни објекти на ул.„Лазар Личеновски“ во општината Центар.

Од 9 до 12 часот без струја ќе бидат корисниците од ул.„Мара Междуречка“ и ул.„Иван Манолев“ во општината Чаир, а од 9 до 13 часот корисниците од бул.„Партизански одреди“ згр. бр. 153 во општината Карпош.