Без проблеми се гласа во штипскиот затвор
Без проблеми се одвива гласањето на избирачкото место 2291 А во Затвор Штип. Гласачкото место е отворено во 7:00, а ќе биде затворено во 21:00 часот.
Трајко Јолев, претседател на избирачкото место 2291 А вели дека право на глас имаат 192 осуденици од 40 општини, а до 10:00 часот своето право на глас го искористиле 59 осуденици или 25 отсто од вкупниот број на гласачи на ова избирачко место. Со цел да се задоволат здравствените протоколи просторијата во овој Затвор е променета, па сега се гласа во игротеката за децата на осудениците.
-На ова избирчако место сме веќе петти изборен циклус, досега како избирачки одбор сме немале никакви проблеми, па се надеваме дека така ќе помине и овој пат. Гласањето, како што гледате се одвива според здравствените протоколи, има дистанца, сите влегуваат со маски или ако немаат маски ние им даваме. Дезинфициони средства имаме, рацете се дезинфицираат на самото влегување, но и на излегувањето. Членовите на избирачкиот одбор ги менуваат маските и ракавиците според протоколите што ни ги имаат дадено од ДИК, вели Јолев.
По затворањето на ова избирачко место, гласачките ливчиња во пликоа се испраќаат во општинските изборни комисии, односно градовите или селата каде што осудениците имаат адреса на живеење.
Ново на Сител
-
САД: Земјите кои не возвратија на царините ќе бидат наградени
-
Трамп ги зголемува царините за Кина на 125 отсто, но најавува 90-дневна пауза за останатите земји
-
Дортмунд подготвува нов договор за Ковач
-
Ердоган ја обвини главната опозициска партија за „фашизам“
-
Вучиќ за утврдување одговорност за посетата на повредените од Кочани: Никој не ме пушти, сам си влегов, и што сега?
-
Директори злоупотребиле службена положба и ги оштетиле буџетите на две беровски училишта за вкупно 1.171.000 денари
-
Трендафилов: Владата не е против зголемување на минималната плата, туку останатите два синдиката
-
Изградбата на втората фаза во Затвор Идризово се очекува да започне до крајот на годинава, најави Пандов