Без проблеми гласаат болните и изнемоштените во неколкуте општини во Тиквешко

Без проблеми гласаат болните и изнемоштените во неколкуте општини во Тиквешко. Во Кавадарци гласаат 83 болни и изнемоштени, а избирачкиот список брои 32.671 избирачи. Утре ќе се гласа на 60 избирачки места.

Како што информираше Нетка Веселинова, претседател на Општинска изборна комисија во Неготино, денес гласаат 84 болни и изнемоштени неготинци. Бројот на избирачи е 16.073, а утре ќе се гласа на 27 избирачки места.

Стојна Топчиева, претседател на Општинска комисија Демир Капија, соопшти дека во тек е гласањето од страна на 49 болни и изнемоштени. Вкупниот број на граѓани со право на глас во избирачкиот список е 3.404, а утре  своето уставно право на глас  ќе можат да го остварат на 11 избирачки места.

Триесет и едно болно и изнемоштено лице гласа во текот на денешниот ден во Росоман, вели Лазар Симоновиќ, претседател на росоманската општинска изборна комисија. Во избирачкиот список се евидентирани 3.410 избирачи, а утре росоманци ќе можат да избираат на десет изборни места