Бесплатни прегледи и советувања за кардиваскуларни болести на Градскиот плоштад во Охрид

Граѓаните на Охрид и посетителите ќе можат да добијат и совети поврзани со здравјето на срцето и крвните садови, во рамки на акцијата што по повод Светскиот ден на срцето в сабота ќе се спроведува на Градскиот плоштад.

Екипи од Заводот за кардиоваскуларни заболувања од Охрид во периодот од 9 до 13 часот ќе вршат и медицински прегледи на сите заинтересирани граѓани.

Заводот за Кардиоваскуларни заболувања од Охрид пред повеќе од десет години се вклучи во одбележување на овој ден, меѓу првите во земјава, а од пред четири години Светскиот ден на срцето го одбележува во соработка со Општина Охрид.