Бесими: Со буџетот 2021 обезбедени 1,14 милијарди евра за поддршка на домашната економија
Со буџетот за 2021 година издвоени се 1,141 милијарди евра за областа економски работи издвоивме износ од 1,141 милијарди евра. Со нив ќе се поддржат инвестициските активности на домашните претпријатија, привлекување на странски директни инвестиции, инвестирање во развојните зони, малите и средни претпријатија, подобрување на конкурентноста, поддршка на домашниот туризам, вели во интервју за „Капитал“ министерот за финансии Фатмир Бесими.
Тој посочува дека „здравје“ е клучниот збор за предлог-буџетот 2021 година. Кога истиот е креиран – приоритет бил здравјето на граѓаните, понатаму заздравување на економијата, здрав систем на јавни финансии и доброфункционален општествен систем воопшто, како и дека сите тие работи се меѓусебно поврзани.
-Прво и најбитно нешто се нашите граѓани и нивното здравје. Оттаму за областа здравство годинава има издвоено 664 милиони евра со кои ќе се покријат јавните здравствени услуги, здравствените материјали и опрема, но и капитални инвестиции во здравството. Исто така, за социјална заштита се издвоени 1,47 милијарди евра за поддршка за ранливите категории граѓани, активни мерки за вработување и останати мерки за обезбедување на пристоен живот за сите граѓани, вели Бесими.
Во насока на обезбедување на стабилноста во јавните финансии од буџетот 2021 се пристапи кон фискална консолидација, посочува Бесими и наведува дека ќе се оди кон постепено намалување на јазот помеѓу приходите и расходите.
-За следната година проектираме буџетски дефицит од 4,9% од БДП или за 3,6 процентни поени помалку во однос на проектираниот буџетскиот дефицит за 2020 година. На среден рок се планира да продолжи буџетската консолидација, односно до 2025 година да се сведе на -2,1%. Со ова на среден рок ќе се стабилизира и јавниот долг на ниво под Мастришкиот критериум или 58,8% од БДП во 2025.-вели Бесими.
Министерот за финансии посочи дека преку буџетот ќе се дејствува стратешки на повеќе полиња, а истовремено се обезбедени и бафери во П1 програмата на Владата за нови мерки.
Ново на Сител
-
СДСМ: Продолжува помошта кон работниците и компаниите
-
ВМРО-ДПМНЕ: Филипче ги затвори граѓаните дома, а на пратеници им дозволува да се шетаат и да го сеат вирусот
-
Бектеши: Кон крајот на мај можно е да се отворат рестораните за свадби
-
Костадиновска-Стојчевска: Ќе возвратам со кривични пријави за ВМРО-ДПМНЕ и Левица
-
Груевски: Невозможно е да ми се замрзне имот кој го немам
-
Џипот што го вози Рашковски е на име на еден од „тајните хонорарци“ во Владата
-
Новиот директор на Природно-научниот музеј Ферат Мемети јавно му се заблагодари на Касами за функцијата
-
Црн пантер и ротвајлер живеат заедно и се сѐ попопуларни на интернет