Бешикташ потпиша со поранешен член на Ливерпул

Некогашната голема надеж на холандскиот фудбал и поранешен играч на Ливерпул, Рајан Бабел кариерата ќе ја продолжи во Бешикташ.

 

Крилниот напаѓач, Рајан Бабел, со турскиот шампион договори две и пол годишна соработка. Бабел во Истанбул пристигна од Ла Коруња каде настапуваше изминатите шест месеци, а откако му истече договорот реши да го смени клубот.

 

Според турските медиуми, Холанѓанецот од соработката со Бешикташ ќе добие пет милиони евра.

 

Бабел во кариерата има настапувано за Ајакс, Хофенхајм и Ал Аин. За холандската репрезентација има одиграно 16 натпревари.