Берово и Делчево изработуваат локални акциски планови за инклузија на Ромите
Во Берово се одржува тридневна работилница на која општините Берово и Делчево изработуваат акциски планови од неколку области за Ромите за периодот 2017-2020. Регионалната работилница се одржува во рамките на проектот „Локална интеграција на бегалци, внатрешно раселени лица и малцинства“.
Како што истакна Џулиета Мемедова од Општина Делчево, овој проект се спроведува во 12 општини во земјава, а целта е да се подобрат капацитетите на државната администрација, но и зајакнување и поддршка на процесите на локална интеграција и инклузија на Ромите, Ромите бегалци и внатрешно раселените лица.
- Членовите на групите денеска работат на развивање на претходно донесените акциски планови во областите домување, здавство, вработување, образование, како и за положбата на жената Ромка во овие две општини. Овие ЛАП ќе бидат усвоени од страна на советите на Општините, рече Мемедова.
Таа додаде дека локалните акциски планови во Делчево досега се реализирани во голема мерка.
- Ние сме потписници на Меморандумот за соработка со министерот на Владата задолжен за имплементација на Стратегијата на Ромите, така што претходниве 5 години, Делчево добива средства за реализација на голем дел на инфраструктурни проекти, посебно во реоните каде што живеат Ромите. Исто така, соработката со Министерството за труд и социјала и со образование, е на завидно ниво, така што се реализираат низа проекти за инклузија на децата Роми во образованиот систем, истакна Мемедова.
Фирдеска Зекирова од РИЦ од Берово потенцираше дека старите акциски планови во Берово се реализирани околу 70 проценти, посебно во делот на инфраструктурата.
- Ние имаме изработено предлог-верзии за овие акциски планови и сега со поддршка на експертите од оваа област ќе ги донесеме акциските планови до 2020 кои потоа ќе треба да бидат усвоени од Советот на општината. Овие документи потоа ќе бидат основа за реализација на низа проекти за кој ќе бараме средства од донатори, општините, минситерствата и слично, истакна Зекирова.
Изработката на акциските планови за овие две општини се спорведува со поддршка на EPTISA, Македонскиот центар за меѓународна соработка (МЦМС), Ромски образовен фонд, а проектот се имплементира во соработка со Министерството за труд и социјална политика.
Ново на Сител
-
Голем шумски пожар во Лос Анџелес - Загрозени се повеќе од 35.000 згради
-
Шпанија потврди ќе му даде азил на лидерот на венецуелската опозиција
-
Сообраќајот се одвива непречено, по суви коловози, золемен интензитетот надвор од градските средини
-
Променливо облачно со слаб до умерен ветер, попладне се очекува пороен дожд проследен со грмежи
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината