Бериша индиректно најави протест на 6 декември, за социјалистите тој е срам за земјата

На предупредувањето на Сали Бериша дека е можно следниот масовен антивладин протест да биде на 6 декември кога во Тирана ќе се одржи Самитот ЕУ-Западен Балкан остро реагираа  од владејачката Социјалистичка партија.

Генералниот секретар на партијата и координатор на пратеничката група, Таулант Бала, рече дека Бериша е срам за земјата и го обвини дека тој никогаш не сакал интеграција на земјата во ЕУ.

Осврнувајќи се на предупредувањето на Бериша, кој не кажа точен датум туку  дека”Европа ќе дојде, народот ќе биде тука и ќе ја даде својата порака”, Бала рече дека ќе биде навредливо ако следниот протест се одржи на денот кога ќе дојдат европските лидери.

-Неуспешен протест, планирање следен на 6 декември на денот на Самитот на Европската Унија со Западен Балкан. Тие се оние кои предизвикуваат болка која во овој случај се враќа во навредлива форма за нас. Сали Бериша не ја сака интеграцијата. Никогаш не бил тука. Секогаш се однесувал на начин да се спречи интеграцијата како и сега. Затоа и го почна внатрешниот конфликт, рече Бала.

Министерот за правда Улси Мања го обвини Бериша дека е „човек на Русија во Тирана“, кој “протестира за да ги достави на место нарачките што ги добива од Москва”.